முன்னால் காதலி

 முன்னால் காதலிகள்

நினைவுகளின் பின் அடுக்கில்

கால் மேல் கால் போட்டு 

அமர்ந்திருக்கிறார்கள்

ஒரு வாசனையின் இழையில்

மிதக்கிறார்கள்

ஒரு பாடல் வரியில்

புரண்டு கண்சிமிட்டுகிறார்கள்

ஒரு சொல்லின் மீதேறி 

வந்து இறங்குகிறார்கள்

ஒரு செயலில்

நிறத்தில் 

இடத்தில்

பொருளிலென

ஓயாது

வந்தபடி இருக்கிறார்கள்

சூரியனைப்போல்

பின்னந்தலையில் ஒளிர்ந்திருக்கும் அவர்கள்

நினைவுகளை

கரும் நிழலென

நம்முன்னே நெளிய விடுகிறார்கள்

அவை கணம்தோறும்

நம் கால்களை இடறியபடியே இருக்கின்றன