செப்பு வைத்து விளையாடும் குழந்தைகளின்
குதூகலத்தை ஒத்தது
கனவுகளை நிஜமாக்கிப் பார்க்கும்
இந்த நாடகம்
அடுப்பு போலவே ஒரு அடுப்பு
சோறு போலவே ஒரு பிடிசோறு
அம்மா போலவே ஒரு அம்மா
அப்பா போலவே ஒரு அப்பா
பிள்ளை போலவே ஒரு பிள்ளை
வாழ்க்கை போலவே ஒரு வாழ்க்கை
நாடகம் முடிந்து
எழுந்து நகர்கையில்
வலியுடன் முறியும் கனவுகள்
பாதியில் கைவிடப்பட்ட சிற்பங்கள்
No comments:
Post a Comment