ஊருக்குச் செல்லும் 

குழந்தைகள்
வீட்டைப் பிரித்து
சுவர்களை மிச்சம் விட்டுச் செல்கிறார்கள்

நிறங்களை அள்ளிக் கூந்தலில் சொருகிக்கொண்டு
வெற்றுச் சதுரத்தைக்
கையளிக்கிறார்கள்

உலகம்
ரோஸ் நிற பலூனாகி
அவர்கள் பின்னே பறந்து
மறைகின்றது

திசை தொலைத்த குருடனின்
கைத்தடியினூடே நெளிகின்றன
பாம்புகள்

ஒலியைப் பறிகொடுத்த
வனம்
ஓர் காட்சிப்பிழை

விழுந்து எழும் கதிரவனுக்கு
முடவனின் சாயல்

****