சூல் கொண்ட மேகத்தின் மௌனம்
அடர்ந்துகொண்டே போகிறது
இனி எந்நேரத்திலும்
பனிக்குடம் உடைந்து
அழுகுரல் கேட்கலாம்

சாக்கடைப் புணர்ந்து கொல்லும்
என்றறிந்தபின்பும்

என் தூய மழையே!
இப்பெருநகரில்
இன்னும்
ஏன் பொழிந்துகொண்டிருக்கிறாய்?!

மழையால் மட்டுமே முடிகிறது

இதழ்களில் அத்தனை மௌனத்தையும்
இதயத்தில் அத்தனை இரைச்சலையும்

ஒரே சமயத்தில் தந்துவிட..

மௌன மழை

தூமைகாலப் பெண்ணாய்
மேகம்
மெல்லக் கசிந்து கொண்டிருக்கிறது